На состанокот на Управниот одбор на кошаркарскиот клуб Работнички е донесена одлука и во текот на следната натпреварувачка сезона тренер на екипата да биде Горан Самарџиев.

Самарџиев ја доби довербата на УО, откако дојде како замена за Димитар Мираковски лани во октомври со тимот запиша 15 победи во низа.

Не се закити со титула, во Купот беше елиминиран во полуфиналето од МЗТ Скопје Аеродром, а во Првата лига во истата фаза беше поразен од Пелистер.

Воедно донесена е одлука Работнички следната сезона да учествува и во АБА 2 лигата откако беа уплатени 25.000 илјади евра за „вајлд-карта“.

Клубот во ова регионално натпреварување дебитираше во сезоната 2020/21 кога го освои 11 место.