Шпанскиот фудбалски шампион Барселона и Војчех Шчесни (35) постигнаа согласност за продолжување на соработката, објави Фабрицио Романо.

Полскиот чувар на мрежата ќе потпише нов договор до летото 2027 година, а остануваат само да се прецизираат последните детали.

Каталонскиот клуб го увери Шчесни дека тој ќе продолжи да биде клучна фигура во тимот, без оглед на очекуваниот трансфер на Жоан Гарсија од Еспањол.

По повредата на Марк-Андре тер Штеген на почетокот на претходната сезона, Барса го потпиша Шчесни, кој брзо се етаблираше во тимот.

Полјакот одигра 15 натпревари во Ла Лига, во кои забележа осум натпревари без примен гол и прими просек од 0,8 гола по натпревар, демонстрирајќи стабилност и класа под притисок.