Македонскиот голман Мартин Томовски стави крај на својата епизода во германскиот Потсдам, клуб кој ја заврши сезоната на последната позиција во Бундеслигата.

Од клубот му се заблагодарија за посветеноста и ангажманот, а Томовски преку социјалните мрежи упати емотивна порака по заминувањето.

„Потсдам ќе остане посебно поглавје во мојот живот. Иако ми требаше време да се прилагодам, навистина уживав. Имав можност да запознаам исклучителни луѓе и професионалци“, истакна Томовски во своето обраќање.