Досегашниот голман на фудбалскиот клуб Брера Струмица, Марко Алчевски (22) се сели во израелската Премиер лига каде што од следната сезона ќе го носи дресот на Хапоел Ерусалим.

Алчевски, кој е чувар на мрежата и на младинската фудбалска репрезентација на Македонија, лани беше капитен на Брера и ја имаше најдобрата сезона во својата кариера.

За Брера во последната натпреварувачка сезона имаше 29 настапи, односно беше голман на толку натпревари. Имаше многу одлични одбрани и се покажа како енигма за противничките играчи.

Алчевски во Брера дојде во август 2017 година и контуинирано напредуваше со поддршка на стручниот штаб и неговата желба. Во пролетта 2022 година беше половина сезона во Борец во Велес.

Паралелно тој е и репрезентативен голман кој сериозно чука на вратите на фудбалската селекција на Македонија. Хапоел Ерусалим последната натпреварувачка сезона во Израел ја заврши на 7 позиција.