Главното здружение на производители на автомобили во Кина денес остро ги прекори фирмите што поттикнуваат „ценовна војна“, една недела откако кинескиот гигант за електрични возила БИД објави големи попусти, а тоа натераа неколку негови конкуренти да го следат примерот. Кинеското здружение на производители на автомобили (КAAM) предупреди дека таквата „жестока“ конкуренција ќе „ги влоши штетните соперништва“ во секторот. БИД објави дека нуди попусти до 34 проценти на 20 модели. Најевтиниот, „Галеб“, кој има систем за „интелигентно возење“, сега започнува од 55.800 јуани (6.800 евра), во споредба со 69.800 јуани. Неколку дена подоцна, кинескиот партнер на „Стелантис“, „Липмотор груп“, објави слични попусти за два модели до 8 јуни. Потоа, во петок, „Џили Ауто“ објави временски ограничени попусти за десет модели, а неговиот X3 Про сега чини 44.900 јуани (5.500 евра), пишува Данас.