Светската фудбалска федерација (ФИФА) донесе голема промена во календарот на натпревари за наредните четири години и од 2026 година есенската пауза за настапи на репрезентациите ќе трае три недели.

До крајот на 2025 година националните селекции ќе имаат по три прозорци за натпревари во септември, октомври и ноември, секој со траење од две недели. Но, од следната сезона тоа ќе се промени, првата пауза за репрезентациите ќе биде од 21 септември до 6 октомври и ќе биде најдолга досега.

Во овој период селекциите ќе можат да одиграат до четири натпревари, наместо досегашните два за 14 дена. Од ФИФА велат дека новото правило е договорено во консултација со сите засегнати страни и дека ќе помогне да се одговори на современите барања и да се зголеми квалитетот на натпреварите.