На состанокот на претставниците на Фудбалскиот сојуз на Србија и на Здружението на суперлигаши беше потврдена одлуката која беше донесена неколку дена претходно на седницата на Комисијата за реформи во натпреварувањето – во српската Суперлига од сезоната 2026/27 наместо досегашните 16 ќе има 12 клуба.

Одлуката е донесена на состанокот на претставниците на Суперлигата и Српската прва лига со генералниот секретар на Српската фудбалска федерација – Бранко Радујко.

Веќе извесно време се разговараше дали ќе се намали бројот на клубови во елитното натпреварување, а на крајот беше одлучено тоа да се случи од сезоната 2026/27.

Српската прва лига и по намалувањето на Суперлигата ќе брои 16 членови, а под неа како и досега ќе има четири српски лиги.

За да се спроведе одлуката треба да биде усвоена од страна на Извршниот одбор на Фудбалскиот сојуз на Србија, а седницата е закажана за 27 март.