Голем успех за македонскиот спорт оствари паролимпијката Оливера Наковска Бикова, станувајќи светски шампион во дисциплината П4-Пиштол слободен избор.

Бикова во квалификациите оствари одличен резултат од 538 кој е и најдобар во нејзината кариера со што го освои второто место обезбедувајќи место во финалето.

Почетокот не најавуваше дека може да стигне до титулата, но со големата одлучност и борба Бикова се врати и значително ги подобри перформансите, па со изедначен рекорд во дисциплината влезе во финалето.

После првите пет истрели во финалето се најде на второто место, а по завршувањето на втората серија ја презема лидерската позиција и успеа да ја одбрани до самиот крај. Треба да се спомене дека финалето беше драматично и квалитетно.