Иако веќе тениската сезона два месеци е во прекин поради пандемијата на коронавирусот, првиот тенисер на АТП ранг листата, Новак Ѓоковиќ, заедно со група пријатели планира да организира егзибициски турнири во некои од земјите од поранешна СФР Југославија.

Оваа вест ја објави еден од тренерите на српскиот тенисер, Горан Иванишевиќ.

– Размислувавме да организираме серија на помали турнири во Србија, Хрватска, Словенија и БиХ. За ова ни се потребни сериозни тенисери но работиме на тоа. Сигурно е дека летово ќе има турнири во Хрватска и Србија, а треба да видиме како ќе изгледа сето тоа со организацијата, патувањата, изолацијата поради коронавирусот. Се надевам дека оваа иницијатива ќе се реализира во јуни или јули – изјави Иванишевиќ за ХТВ.