Ѓоковиќ брка титула на завршниот Мастерс во Лондон!
Најдобриот српски и светски тенисер ќе се обиде да го освои трофејот на завршниот Мастерс во Лондон и така на најдобар начин ја заокружи годината која шести пат во кариерата ја завршува на местото број еден.
Препорачано
-
1
-
2
-
3
Новак Ѓоковиќ со титула воедно би го прекинал и „постот“ кој трае од 2015 година кога се во прашање завршните турнири. Жрепката за натпреварувањето ќе биде одржан денеска (четврток) со почеток од 17.45 часот.
Турнирот во Лондон ќе започне в недела и ќе се игра во „О2“ арената. Осум најдобри тенисери ќе бидат поделени во две групи по четворица и ќе игра секој со секого. Двајцата најдобри од групите ќе вкрстат во полуфиналето.
Шварцман пред завршниот турнир: Може со Надал, само не против Ѓоковиќ!
Титулата од минатата година ја брани грчкиот натпреварувач Стефанос Циципас кој во финалето го совлада Доминик Тим од Австрија.
Покрај Ѓоковиќ, ќе учествуваат уште Рафаел Надал, Доминик Тим, Данил Медведев, Стефанос Циципас, Александар Зверев, Андреј Рубљов и Диего Шварцман. Рубљов кој освои пет титули во 2020 година и Шварцман се дебитанти.
Поради ситуацијата со ковид-19 турнирот ќе се одржи зад затворени врати за публиката. Тенисерите ќе го поминуваат времето во т.н. „балон“. Секој кој сака да влезе во балонот, ќе мора да се тестира на ковид-19. Тенисерите нема да мора да бидат тестирани после тоа, освен доколку не покажат симптоми на коронавирус. Секој играч може да донесе со себе тројца членови на тимот и никој нема да може да го напушти хотелот. Секое прекршување значи автоматска дисквалификација на тенисерот.
Sneak peek… ?#NittoATPFinals #ATPTour pic.twitter.com/RDk0hKQM26
— ATP Tour (@atptour) November 12, 2020
Нема да има судиски линии на турнирот, туку ќе се користи „хок-ај“ систем („Јастребово око“) за сите одлуки.
Ова е последниот завршен турнир кој ќе се игра во Лондон, каде се игра од 2009 година. Од следната година турнирот ќе се пресели во Торино. Ѓоковиќ ја освои титулата четири пати во претходните 11 финалиња во Лондон, и тоа во низа од 2012 до 2015 година. Покрај тоа, тој беше финалист во 2016 и 2018 година, но загуби од Енди Мареј и Александар Зверев.
Доколку Ноле го освои последниот турнир по шести пат, ќе се изедначи со Рожер Федерер на врвот. Моментно го дели второто место со Иван Лендл и Пит Сампрас кои исто така беа најдобри пет пати.
Ниту еден од другите учесници на турнирот во Лондон нема повеќе од една титула. Интересно е што Надал никогаш не победил на последниот турнир, ги загуби финалните дуели во 2010 и 2013 година.
