Екстремни температури, силни ветришта и разорни земјотреси оваа година ги предизвикаа некои од најсмртоносните несреќи. Од Бахамите, преку Албанија, па се до Австралија, бројните природни катастрофи ја шокираа планетата, а истите ги избори српски „Телеграф“.

Урагани и поплави

Најсилното невреме кое е забележано оваа година е на Бахамите и на островите во негова близина. Оваа природна непогода однесе 73 животи.

Најинтензивниот тропски циклон се смета за најлошата природна катастрофа во историјата на Бахамите. Исто така, ова беше и еден од најсилните урагани (категорија 5) кој е забележан во Атлантикот. Ветровите достигнуваа брзина од 295 километри на час.

Доријан прво го ги погоди островите Абако на 1 септември со најсилна брзина на ветрот. Потоа, се префрли на островот Гранд Бахама со сличен интензитет.

Последиците беа катастрофални, поголемиот дел од објектите беа комплетно уништени или едноставно потонати во морето. Најмалку 70.000 луѓе беа принудени да ги напуштат своите домови.

Откако невремето помина низ Бахамите, Доријан премина на југоистокот на САД, делови на Њуфаундленд, а конечно запре дури на 10 септември во близина на Гренланд.

Според официјалните информации, уништени се илјадници домови, загинаа најмалку 73 лица, од кои само 70 на Бахамите. Сепак, конечниот биланс на загинати се уште не е позант, а некои извори тврдат дека е многу поголем.

Според последните информации, објавени на 7 декември, уште 282 лица се водат како исчезнати, а штетата која Доријан ја предизвика се проценува на околу 3,4 милијарди евра.

Кина во август оваа година се соочи со силен тајфун кој усмрти најмалку 72 лица, а според некои податоци, бројот на мртви достигнува и до 90.

Тајфунот Лекима направи хаос низ неколку провинции, донесе поплави и огромни штети на патиштата и мостовите. Пукна и една природна брана, а многу луѓе се водеа како исчезнати што ја натера кинеската влада да издаде „црвено предупредување на тајфун“, највисок степен на аларм кој Пекинг може да го објави кога се во прашање природните катастрофи.

Овој тајфун е еден од наголемите во историјата на Кина и ѝ припаѓаше на четвртата категорија – супертајфуни. Штетата која ја предизвика се проценува на 9,28 милијарди долари.

Тајфунот Хагибис во октомври усмрти 86 лица во Јапонија, а неколку делови од земјата беа под највисок степен на аларм кога истиот се „спушти на земјата“.

Стотици илјади луѓе беа приморани да се евакуираат.

Уште една катастрофална несреќа ја погоди Азија во јули. Монсунските дождови однесоа најмалјку 89 животи ширум Бангладеш, Кина, Индија и Непал.

Земјотреси

Најсилниот земјотрес кој оваа година се случи беше во Чиле. Беше со силина од 8 степени по Рихтеровата скала, а загинаа две лица. Сепак, оној најсмртоносниот, беше во нашето соседство, односно во Албанија.

Земјотрес со силина од 6,4 степени по Ритхер ја погоди Албанија на 26 ноември во раните утрнински часови. Потресот траеше околу 30 секунди, а истиот како во Македонија, така се почувстува на повеќе места на Балканот. Едно од најпогодените места беше градот Драч.

Според официјалните информации, во земјотресот загинаа 52 лица, додека околу 3.000 беа повредени. Тоа беше вториот силен земјотрес кој ја погоди оваа земја во период од само три месеци.

Земјата се тресеше со денови, а серија на потреси освен во Албанија, се чувствуваа и во Црна Гора, Хрватска и Босна и Херцеговина.

Силни земјотреси најчесто оваа година ги тресеа азиските земји.

Во потрес во Индонезија на 25 септември загина 41 човек, а 40 лица го загубија животот во Азад Кашмир во Пакистан еден ден претходно.

Пожари

Иако шумските пожари се честа појава во Австралија, овогодинешните сепак предизвикаа многу големи штети. Земјата со месеци се бори со огнената стихија која главно ги опустоши сојузните држави Нов Јужен Велс и Квинсленд.

Според податоците до 21 декември 2019 година, изгорени се повеќе од 3 милиони хектари земја, уништени се преку 700 куќи, а загинаа најмалку девет лица.

Во Нов Јужен Велс беше прогласена вонредна ситуација, а рекордните летни температури кои ја надминуваат границата од 40 степени Целзиусови воопшто не им помагаат на пожарникарите кои се борат со огнените јазици.

Слични пожари имаше и во Амазонија. Прашумите се простираат во дури четири држави (Бразил, Боливија, Парагвај и Перу), а оваа година подрачјето беше погодено со досега невидена суша.

Чадот кој на крајот на август се ширеше од ова подрачје, наводно можел да се забележи и од вселената. Избија вкупно 40.000 пожари, некои од нив и понатаму горат, а погодено е подрачје до 906.000 хектари.

Официјално, две лица загинаа во овие пожари.

Вулкан

На 9 декември, без било какво предупредување и сосема неочекувано, на Белиот остров во Нов Зелан еруптираше вулкан, несреќа во која загинаа вкупно 19 лица.

Островот е во приватна сопственост и честопати го разгледуваат многу туристи. Во моментот на ерупцијата на него имало 47 луѓе.

Ерупцијата однесе 19 животи, вклучувајќи и две лица кои се сметаат за починати, а нивните тела се уште не се најдени. Повредени се 28 лица.