Остатоци од деца кои биле на возраст од 4 до 14 години се пронајдени на подрачје со површина од 5000 квадратни километри на локацијата Пампа ла Крус во Перу од 2016 година до денес.

Последните остатоци се откриени во понеделникот и му припаѓаат на 10-годишно момче кое имало сребрени обетки, што укажува на тоа дека и децата припадници на високата класа исто така се жртвувани, пренесува весникот Ел Комерсио на археологот Габриел Приет.

Жртвувањата се дел од културата на цивилизацијата Чиму, која почнала да се обликува во првата половина на 14 век, градела градови и развивала опсежни системи за наводнување.

Во 15 век Инките ја совладале таа цивилизација, а нив подоцна ги освоиле Шпанците.

Остатоците од децата се пронајдени во јами или во гробници во седечка и лежечка положба свртени кон морето.

Убиени се веројатно со бакарни ножеви, а им ги ваделе и срцата, велат стручњаците.

„Жртвувањата веројатно биле организирани за да се умилостиви божицата на морето, да се обезбедат воени победи или да се прослават победничките походи“, рекол Прието.

Не е јасно зошто се жртвувале деца, а не возрасни лица.