Белгискиот фудбалски клуб Остенде денеска го отпушти резервниот голман Фабрис Онду бидејќи организираше забава и покрај забраната за собири поради ситуацијата со коронавирусот.

– На крајот се дозна дека тоа било забава во која 10 лица ги прекршиле сите мерки против пандемијата на коронавирусот – се вели во соопштението на клубот откако полицискиот извештај интервенирал во куќата на Камерунецот поради бучава.

Онду во младинската кариера беше дел од Барселона. Остенде изјави дека во клубот немало позитивни случаи на ковид-19.

– Клубот е над поединецот и бевме принудени да го отпуштиме со оглед на сериозноста на ситуацијата – додадоа од Остенде.

На белгиските жители засега не им е дозволено да имаат гости во нивните домови.