Поранешниот германски репрезентативец Криштоф Мецелдер (39) е фатен во ширење на детска порнографија. Во меѓувреме, истрагата на јавното обвинителство и полицијата е завршена и поранешниот фудбалер на Борусија Дортмунд и Реал Мадрид го очекува судење, објави „Билд“.

Специјалниот полициски оддел во Дизелдорф ја водел истрагата против поранешниот германски репрезентативец и утврди дека Мецелдер ширел детска порнографија.
Во неговиот мобилен телефон се пронајдени 30 слики со детска порнографија на која се гледа злоставување на мали девојчиња, објави „Билд“.

Мецелдер од својот телефон преку ВатсАп испратил пет слики од малолетни девојчиња на својата девојка Ева од Хамбург во периодот од 10. до 12. август 2019 година. На сослушувањето Ева признала се по што нејзиниот исказ е искористен да се подигне обвинение против Мецелдер кој засега не е уапсен и се брани од слобода.