Светските цени на храната повторно пораснаа, веќе трет месец по ред, а во октомври достигнаа нов десетгодишен максимум, повторно предводени од растот на цените на житото и растителното масло, објави во четвртокот Агенцијата за храна на ОН, пренесува Блумберг БНН.

Индексот на цените на храната на Организацијата за храна и земјоделство (ФАО), кој ги следи најтргуваните меѓународни цени на храната во светот, во просек изнесуваше 133,2 поени минатиот месец во споредба со ревидираните 129,2 за септември.

Бројката во септември претходно беше 130,0.

Октомвриското читање беше највисоко за индексот дури од јули 2011-та година. На годишна основа, во октомври индексот се зголеми за 31,3 отсто.

Цените на земјоделските производи драстично пораснаа минатата година, поттикнати од доцнењето на жетвата и високата побарувачка.