Kандидатот за градоначалник на Скопје од редовите на ВМРО-ДПМНЕ, Орце Ѓоргиевски денеска се сретнал со основачите на фестивалот „ЕXIT“ и информира дека е постигнат договор од следната година Скопје да биде нова дестинација каде ќе се одржува оваа манифестација, доколку победи на претстојните локални избори во октомври.

„Убеден сум дека бренд како „EXIT“ значително ќе го зголеми квалитетот на забавниот живот и културната понуда на Скопје и Македонија. Тоа ќе ја стави нашата метропола на мапата на топ дестинации за посета на огромен број туристи, бидејќи граѓаните на Скопје и Македонија го заслужуваат најдоброто,“ изјави Ѓоргиевски.

Тој додаде дека според него, со ова Скопје ќе се вброи меѓу европските градови кои се дел од мрежата на еден од најпрестижните музички фестивали во Европа, што ќе значи и нова енергија, нови инвестиции и зголемување на туристичкиот потенцијал на главниот град.