Денеска во својот прв настап на турнирот во Трнава, Словачка, најдобрата македонска тенисерка Лина Ѓорческа успеа да оствари триумф.

Ѓорческа со 2:0 во сетови триумфираше против Русинката Полина Кудерметова, која моментно е 165 тенисерка на ВТА листата.

Македонката која дојде до победата по еден час и 37 минути игра, го освои првиот сет со 6:4, а со истиот резултат славеше и во вториот.

Инаку минатата година Полина Кудерметова играше во првото коло на грен слем турнирот „Австралија опен“.

Противничка на нашата натпреварувачка во осминафиналето во Трнава ќе биде победничката од дуелот меѓу првата носителка на турнирот Маи Хонтама од Јапонија и Радка Зелникова од Словачка.