Најдобрата македонска тенисерка Лина Ѓорческа има за четири места подобар ранг од претходната недела на ВТА листата и се наоѓа на 235 место.

На новото рангирање има седум поени повеќе односно 319, за пласманот во четвртфиналето на фјучрсот во Анталија.

Во конкуренција на двојки Ѓорческа има скок за едно место – 373, со истиот број на поени – 226.

Магдалена Стоилковска, пак има пад за една позиција и се наоѓа на 1212 позиција со девет поени.

На врвот е Ига Швјонтек од Полска со 10,300 поени, пред второпласираната Арина Сабаленка (8,905), а на третото место е Американката Коко Гоф (7,110).