Македонската тенисерка Лина Ѓорческа продолжува со одличните настапи на фјучрс-турнирот во Букурешт, откако денеска успеа да слави над Италијанката Наоми Базилети со 2-1 во сетови (3-6, 6-3, 6-4) и да обезбеди пласман во четвртфиналето.

Иако мечот не започна во нејзина корист, Ѓорческа го освои првиот гем, но потоа дозволи противничката да направи серија од три брејка и да го загуби првиот сет со 3-6, таа не се предаде.

Во вториот сет, Базилети повторно тргна подобро, поведувајќи со 0-2, но македонската претставничка успеа да се консолидира, да го преземе ритамот на играта и да го добие сетот со 6-3.

Одлучувачкиот трет сет донесе нова драма, Италијанката поведе со 3-1, но Ѓорческа повторно покажа ментална сила и борбен дух, враќајќи се во игра и со нов пресврт го освои сетот со 6-4.

Со оваа победа, Ѓорческа обезбеди место меѓу најдобрите осум и во четвртфиналето ќе се сретне со Финката Лаура Хиетаранта. Ќе потсетиме, Ѓорческа минатата неделаа го освои турнирот во Романија со што стигна до својата 15. титула во кариерата.