Најдобрата македонска тенисерка, Лина Ѓорческа, продолжува со одличната форма и ќе се бори за нов трофеј оваа сезона. Таа обезбеди пласман во финалето на фјучерс турнирот што се игра во романскиот град Слобозија, откако денеска ја совлада Мариа Попа со убедливи 6-1, 6-4.

Ѓорческа беше одлична во првиот сет, кој го реши во своја корист за само 30 минути, препуштајќи ѝ само еден гем на противничката. Во вториот сет романската тенисерка пружи поголем отпор, но македонската тенисерка остана фокусирана и со еден клучен брејк го потврди патот до финалето.

Во борбата за трофејот, утре ќе се сретне со уште една домашна натпреварувачка, Елена Бертеа.