Македонската тенисерка Лина Ѓорческа успеа да се пласира во четвртфиналето на ИТФ турнирот W75 Рим. Нејзината противничка Кристина Дину од Романија го предаде мечот при водство на Ѓорческа од 1-0 во сетови и 2:0 во гемови во вториот сет.

Ова беше седми меѓусебен дуел на овие две тенисерки, а Ѓорческа сега има предност од 5:2 во добиени меча и притоа има серија од пет победи.

Мечот траеше 48 минути, а Ѓорческа имаше целосна контрола, при што успеа да спаси и шест брејк топки, а имаше и четири брејка од пет прилики.

Утре во четвртфиналето Ѓорческа ќе игра со победничката од мечот Варвара Лепченко (САД, 4 носителка) и Сузан Бандекин (Швајцарија, квалификантка).