Успешен старт имаше македонската тенисерка Лина Ѓорческа на ИТФ турнирот во W50 Слобозија, Романија. Третата носителка Ѓорческа денеска во првото коло ја совлада домашната тенисерка Симона Огесгу со 2-0 во сетови (6:3, 6:2) по 88 минути игра.

Во првиот сет стартните четири гема ги освојуваше тенисерката која беше на сервис и резултатот беше 2:2, а првиот брејк го направи Ѓорческа.

Во деветтиот гем Лина го освои гемот на свој сервис без загубен поен и со тоа најави освојување на првиот сет, кој го доби со 6:3 во гемови.

Во вториот сет македонската тенисерка имаше предност од 2:0, а потоа водеше и со 3:2 во гемови и со три гема во низа го заврши сетот со 6:2 искористувајќи ја првата меч топка за конечен триумф во стартниот меч.

Во следното коло Ѓорческа ќе игра против уште една тенисерка од Романија Бланка Барбулеску (настапува со вајлд карта), која триумфираше во мечот со квалификантката Кристина Новак од Словенија со 6:3, 6:2.