Од Општина Ѓорче Петров информираат дека е објавен Јавен оглас за финансиска поддршка на спортски клубови, здруженија, спортисти и спортски манифестации кои ќе се одржуваат оваа година.

Според огласот, право на учество имаат сите спортски субјекти и организатори на спортски настани со седиштеили активност на територија на Општина Ѓорче Петров, како и оние чии проекти се планирани да се реализираат на територија на општината.

Последниот рок за аплицирање е 29 мај оваа година, а пријавите се доставуваат по пошта или лично во
архивата на oпштина, секој работен ден од 08:00 до 16:00 часот.

Кандидатите треба да достават комплетна документација, вклучувајќи пријава, програма за
работа, потврди, финансиски извештај и докази за регистрирана дејност, согласно со типот на
апликантот (клуб, спортист, манифестација).

Одлуката за избор ќе биде објавена на веб-страницата на Општина Ѓорче Петров, најдоцна 15 дена по истекот на рокот за пријавување.

Избраните корисници, според соопштението, потпишуваат договор со Општината, по што следи
исплата на 50 отсто од средствата, а другата половина ќе се исплати по откако до локалната самоуправа ќе биде доставен финансиски извештај.