Поранешниот најдобар светски тенисер, Новак Ѓоковиќ без поголеми проблеми славеше победа во мечот во последниот ден од годината во Бризбејн.

Во првото коло на турнирот Ѓоковиќ беше подобар од Ринки Хиџиката со 2:0 во сетови (6:3, 6:3). Ѓоковиќ со овој триумф стави крај на 2024 година и ја започна новата сезона во која ќе се обиде да дојде до 100 трофеј во кариерата.

Кога е мечот против Хиџиката во прашање, работата Новак ја заврши за 76 минути. Направи брејк во вториот гем и тој го задржа до крајот. Во вториот немаше бреј се до 3:2 за Австралиецот по што српскиот ас освои четири гема во низа и така дојде до триумфот.

Портивник на Ѓоковиќ во второто коло ќе биде ветеранот Гаел Монфис кој против Новак играл 19 пати и во сите натпревари бил поразен.