Младиот шпански ас Карлос Алкараз ја доби полуфиналната битка со Новак Ѓоковиќ со 3-0 (6-4, 7-6, 6-2) во сетови и ќе игр во финалето САД Опен.

Првиот сет мина во тесна борба, но Алкараз беше тој што ја искористи својата шанса и го освои со сетот 6-4. Ѓоковиќ тргна одлично во вториот сет и поведе со 3-0, но не успеа да го задржи ритамот. Шпанецот експресно се врати во игра, израмни на 3-3, а сетот заврши во тај-брејк во кој Алкараз беше посигурен и со 7-6 направи огромен чекор кон финалето.

Во третиот сет беше очигледно дека српскиот ветеран веќе нема одговор на брзината и свежината на својот помлад ривал. По раниот брејк за 3-1, Алкараз брзо стигна до 4-1. Ѓоковиќ успеа да намали на 4-2, но повеќе од тоа не можеше.

Алкараз во финалето ќе се соочи со победникот од второто полуифнале помеѓу Јаник Синер и Феликс Оже-Алијасим