Српскиот тенисер, Новак Ѓоковиќ десетина дена е во Австралија каде што беше дел од турнирот во Бризбејн, а сега го очекува и настапот на првиот грен-слем во годината Австралија Опен.

Ѓоковиќ не крие дека за него секое доаѓање во Австралија носи лоши спомени поради случувањата пред три години кога прво беше „притворен“, а потоа и депортиран затоа што одбиваше да се вакцинира против ковид-19.

„Нема да кријам и ќе бидам искрен. последните неколку пати кога доаѓам во Австралија и кога поминував низ пасошката контролка ја чувствувам траумата од пред три години. Некои болки остануваат долго време и често проверувам дали доаѓа некој од имиграциската служба. Исто така внимателн го следам лицето кои ми го проверува пасошот и чекам одговор дали ќе ме одведе некаде или ќе ми биде дозволен влез“, изјави Ѓоковиќ.

Ќе потсетиме, Ѓоковиќ пред две години во Мелбурн го освои десеттиот трофеј на Австралија Опен.