Новак Ѓоковиќ на прес-конференција во Бризбејн меѓу другото зборуваше и за новата соработка меѓу неговиот поранешен тренер, Горан Иванишевиќ и Елена Рибакина, моментно шесторангирана во светот.

Јасно е дека Србинот е задоволен, особено затоа што отсекогаш ја ценел тенисерката, која игра за Казахстан.

– Горан и јас навистина ја сакаме Рибакина, начинот на кој таа игра и каква е како личност. Кога Горан работеше со мене, секогаш уживавме да ја гледаме нејзината игра. Затоа се радував кога ја слушнав веста дека се заедно. Се надевам дека Горан може позитивно да придонесе за нејзината игра и успех – изјави Ѓоковиќ.

Иванишевиќ и Рибакина се договорија уште во ноември, но официјално соработката започна на 1 јануари.

Ѓоковиќ го прегази Монфис за четвртфинале во Бризбејн