Најдобриот тенисер на светот, Новак Ѓоковиќ одлучи дека нема да учествува на АТП купот кој ќе се одржи од 1 до 9 јануари 2022 година.

Српскиот ас беше пријавен за овој турнир, но одлучи да не настапи. Него ќе го замени Филип Крајиновиќ, а во тимот се и Душан Лајовиќ, Матеј Сабанов, Никола Чачиќ и Никола Милојевиќ.

Во Сиднеј (Австралија) нема да патува ни селекторот на Србија, Виктор Троицки. Србите на АТП купот се во групата со Норвешка, Чиле и Шпанија.

И натаму не е познато дали Ѓоковиќ ќе игра на грен слем турнирот „Австралија Опен“, што ќе се организира во средината од јануари.

Доколку причината за неговото неиграње во АТП купот е одмор, првиот рекет во светот можеби ќе настапи во Мелбурн. Но, доколку причината е вакцинацијата, можеби нема да можеме да го видиме Ѓоковиќ во Австралија следната година.

Познато е колку тенисери се вакцинирани и ќе можат да настапат на Австрлаија Опен