Ѓоковиќ не го потценува Шаповалов: Мора да го прикажам најдобриот тенис доколку сакам финале на Вимблдон
Првиот носител на Вимблдон е свесен дека канадскиот тенисер е незгоден противник.
Новак Ѓоковиќ се наоѓа на добар пат кон одбраната на титулата на Вимблдон, веќе обезбеди пласман во полуфиналето каде ќе го чека Канаѓанецот Денис Шаповалов кој во последниот меч го победи Карен Качанов.
Препорачано
– Кога Денис Шаповалов сервира добро, тогаш немате многу шанси. Полуфиналето против него ќе претставува најголем тест за мене на Вимблдон. Денис константно е во врвот во последните неколку години иако многумина очекуваа да биде во топ 10, а можеби и во топ 5. Можеби му недостасуваат победи на големи мечеви, но сега некако ми изгледа позрело. Игра со левата рака, одлично сервира и се чувствува добро на мрежа. Мислам дека го подобри и движењето – изјави Ѓоковиќ за својот нареден противник, а воедно истакна дека се радува на полуфиналето.
– Со пласманот во полуфиналето, Денис покажа дека се наоѓа во одлична форма. Игра ипресивно. Се радувам на тој дуел, тоа ќе биде голема борба и ќе мора да ја прикажам својата најдобра игра за да се пласирам во финалето, што беше мојата цел пред стартот на Вимблдон.
