Најдобриот српски тенисер Новак Ѓоковиќ продолжува успешно на Летните олимписки игри во Париз, Франција, на патот кон освојување на златниот медал.

За 86 минута игра Ѓоковиќ успеа да го совлада Доминик Кепфер од Германија со резултат 2:0 во сетови 7:5 и 6:3.

За Србинот ова е 16 победа на Олимписките игри, и историски, четврти пласман во четвртфиналната фаза на олимпискиот турнир.

Во следната фаза Ѓоковиќ ќе игра против тенисерот од Грција, Стефанос Циципас, кој беше подобар од Себастијан Баез од Аргентина со 7:5 и 6:1.

Во останатите осминафинални мечеви се среќаваат: Зверев – Попирин, Мусети – Фриц, Руд – Серундоло, Ожер-Алијасим – Медведев, Муте – Пол и Сафиулин – Алкараз.