Српскиот тенисер, Новак Ѓоковиќ во второто коло на Вимблдон одигра доминантен меч против домашниот тенисер Даниел Еванс и славеше со убедливи 3-0 во сетови за пласман во третото коло.

Британецот успеа да освои само пет гема за целиот натпревар, три во првиот сет и два во вториот, додека во третиот Ѓоковиќ буквално го збриша ривслот со 6-0. Конечниот резултат: 6-3, 6-2, 6-0, доволно јасно говори како се одвиваше дуелот.

Ѓоковиќ изгледаше подготвено, агресивно и самоуверено, не дозволувајќи му на Еванс да влезе во ритам ниту во еден момент од мечот.

Во наредната рунда на гренд-слемот во Лондон, Ѓоковиќ ќе игра против неговиот сонародник Миомир Кецмановиќ, кој во четири сета го совлада Холанѓанецот Тим ван де Јонг.