Новак Ѓоковиќ и легендарниот одбојкар на Србија, Александар Атанасијевиќ искажаа поддршка на студентите кои ги бараат своите права во Белград.

Студентите во Белград веќе со денови бараат правда на улиците во Србија, а Ѓоковиќ сега одлучи јавно да им ја даде својата поддршка.

„Како некој кој длабока верува во силата на младите луѓе и нивната желба за својата иднина сметам дека е важно нивниот глас да се слушне. Србија има огромен потенцијал, а образована младина е нејзина најголема сила. Она што на сите нас ни е потебно е разбирање и почит. Заедно со вас, Новак“, гласи пораката на Ѓоковиќ.

Набрзо по Новак неговата објава ја сподели и Атанасијевиќ.

„Секоја чест“, објави Атанасијевиќ со емонтикон на коза „GOAT“ (најдобар на сите времиња).

Атанасијевиќ во својата богата кариера одигра дури 241 меч за репрезентацијата на Србија и така е еден од одбојкарите со најмногу настапи. Репрезентативната кариера ја заврши по Олимписките игри во Париз.

Svaka cast?????

— Aleksandar Atanasijevic (@AAtanasijevic) December 18, 2024