Новак Ѓоковиќ немаше проблеми и како што се очекуваше го совлада Карен Хачанов на последниот Мастерс во годината.

Ѓоковиќ во Париз славеше победа од 2:0 во сетови. До победата српскиот тенисер стигна за еден час и 27 минути игра. Русинот беше немоќен, парираше само во првиот сет, а потоа целосно се распадна пред фуриозниот Новак.

Мечот беше отворен со по еден брејк на двете страни, а Ѓоковиќ во десеттиот гем направи исчекор и го доби сетот со 6:4. Хачанов немаше никакви шанси во вториот сет, Ѓоковиќ доминираше и го доби сетот со 6:1.

Во четвртфиналето Ѓоковиќ ќе игра против Лоренцо Мусети кој претходно приреди изненадување и го елиминираше Каспер Руд.