Шведскиот напаѓач Виктор Ѓекереш е одлучен да го оствари својот сон и да заигра во дресот на Арсенал. Трансферот е речиси договорен, а колку самиот фудбалер сака да се пресели во Лондон говорат и неговите последни потези.

Како што пренесуваат португалските и британските медиуми, Ѓекереш не само што одбил понуди од неколку заинтересирани клубови, туку и сам презел иницијатива за зделката побрзо да се заврш.

Медиумите пренесуваат дека Ѓекереш дури и ставил крај на неговата врска со португалската Инес Агиар затоа што таа не сакала да се пресели во Лондон. Исто така тој се откажал и од две милиони евра кои му следувале како дел од платата за да може Арсенал да ја зголеми понудата.

Преговорите меѓу двата клуба се во завршна фаза, а трансферот би требало да изнесува околу 80 милиони евра наскоро би требало да биде официјализиран. Очигледно е дека Ѓокереш е подготвен на сè за да заигра во Премиер лигата и да стане дел од проектот на Микел Артета.