Репрезентативката на Македонија, Леонида Гичевска од следната сезона ќе игра за Локомотива Загреб од Хрватска.

Таа потпиша за клуб кој ќе биде дел од најелитното женско клупско натпреварување, Лигата на шампионите, а во екипата настапува уште еден Македонка, Андреа Седлоска.

Минатата сезона Гичевска играше за Ле Самбр Авену од Франција и беше помеѓу најдобрите стрелци во тимот. Претходно ги бранеше боите на Ле Пузен.

Левиот бек, кој може да аигра и на другите бековски позиции, доаѓа од Свети Николе, три години беше дел од јуниорскиот состав на Вардар, а во сезоната 2017/2018 беше во првиот тим на Вардар за настапите во ЛШ.

Потоа, беше член на Металург и Куманово, пред преселбата во Франција каде ги покажа своите квалитети.

Локомотива Загреб во ЛШ е во групата „Б“ со Мец, Рапид Букурешт, Будуќност, Сторхамар, Тим Есбјерг и Кастамону.