Со вчерашниот пораз на Македонија од Романија, нашите девојки го завршија настапот на Европското првенство на кое бевме и едни од домаќините покрај Словенија и Црна Гора.

Турнирот избраничките на Љубомир Савевски го завршија со два убедливи порази од Франција и Холандија и еден дуел со Романија во кој одигравме одлично прво полувреме и 30 минути бевме во егал со фаворизираната селекција. Леонида Гичевска беше една од ракометарките кои прикажаа најмногу во македонската репрезентација.

Преку социјалните мрежи Гичевска испрати голема поддршка до публиката која им даде огромна поддршка, но и вети дека оваа репрезентација не го кажала последниоте збор.

„Од мала сонувам да играм за Македонија на големо натпреварување ,за многу од нас беше прво вакво искуство. Желбата да поминеме во главна фаза беше огромна но оваа репрезентација го нема кажано последниот збор. Игравме на домашен терен што значи дополнително уживавме , чувството беше неописливо. Благодарност до најдобрата публика на светот ,нашата Фаланга ,која што не бодреше безрезервно на сите натпревари од прва до последна минута. Да се пее химната на Македонија во еден глас со илјадници навивачи е нешто со кое што се гордееме. Сплотени заедно не чекаат големи работи“, напиша Гичевска.