Двајца службеници од Рајнска област-Пфалц се под истрага за убиство од небрежност поради бавната евакуација за време на поплавата во која загинаа 141 лице во германската федерална држава, соопштија во петокот властите.

Во најсмртоносните поплави во Германија најмногу настрада Западната федерална провинција Рајнланд-Пфалц, во кои загинаа 170 животи. Стотици илјади домаќинства останаа без електрична енергија, а штетата се проценува на повеќе од шест милијарди евра.

Канцеларијата за криминалистичка истрага соопшти дека првите анализи направени од државното обвинителство на Кобленц покажуваат дека евакуацијата е одложена, а двајца службеници во западната област Арвејлер се под истрага.

Нивните имиња не се соопштуваат, но тие се осомничени за убиство и телесни повреди од небрежност, се вели во соопштението.

Две третини од Германците веруваат дека можело да се стори повеќе

Поплавите ја потресоа германската политика два месеци пред националните избори во септември, предизвикувајќи засрамувачки прашања за тоа како е можно најголемата европска економија да е заспана и неподготвена за последиците од глобалното затоплување.

Две третини од Германците веруваат дека федералните и провинциските власти требало да направат повеќе за заштита на општините, покажа анкетата на германскиот весник Билд во јули.

Покрај загинатите 141 лице, повеќе од 700 луѓе беа повредени во поплавите во Рајнска област-Пфалц.