Германскиот претседател Франк-Валтер Штајнмаер изјави денес, по повод 80-годишнината од поразот на нацизмот во Втората светска војна, дека руската војна во Украина не претставува продолжение на борбата против фашизмот.

„Агресивната војна на Путин, неговата кампања против слободна, демократска земја, нема ништо заедничко со борбата против нацистичката тиранија во Втората светска војна. Оваа историска лага не е ништо повеќе од прикривање на империјалното лудило, тешката неправда и најлошите злосторства“, рече тој во Бундестагот.

Сепак, тој ги истакна достигнувањата на Црвената армија, вклучувајќи ги 13 милиони загинати  војници и советското ослободување на Аушвиц, објавува „Шпигел“.