Иако германскиот обвинител неодамна објави дека речиси е сигурен дека Медлин Мекен е мртва, сега излезе со поинаква изјава.

Имено, обвинителот Ханс Волтерс во ексклузивно интервју за британски Мирор рече дека не постојат форензички докази кои би упатиле дека Меди е мртва.

„Не смеевте тоа да го кажете ако немате докази. Тие од почетокот тврдат дека ова го истражуваат како убиство. Не смеете да кажете освен ако не сте проклето сигурни“, порача близок пријател на семејството Мекен.

Волтерс неодамна исто така изјави дека верува дека нејзината смрт била брза и дека не страдала долго. Сега детално објасни што сакал со тоа да каже и додаде дека се работело за шпекулација.

„Тоа е мое приватно мислење и шпекулација. Не е засновано на факти. Потоа и реков дека „верувам“ зошто во некои случаи на киднапирање на деца, прво е извршен сексуален чин, а потоа убиство.

Критика за истрагата: Брукнер добил дојава

Германските власти наидоа на критики откако на виделина излезе дека Кристијан Брукнер (43) во 2013 година добиле дојава дека е еден од осомничените. Волтерс призна дека полицијата се уште не разговарала со Брукнер, кој во Кил служи седумгодишна затворска казна поради продажба на дрога зошто не сакаат да му прижат можност да влијае врз сведоци. Тој гарантира дека Брукнер, кого Одборот за условна слобода би можел да го ослободи во рок од неколку дена, нема да се врати на улица.

Осомничен за повеќекратни кривични дела

Инаку, Брукнер е осомничен за повеќекратни кривични дела, меѓудругото за исчезнување на четиригодишната Меди во Португалија во 2007 година. Германските обвинители истражуваат дали Брукнер е можеби вплеткан во исчезнувањето на девојче во Германија во 2015 година и дали е поврзан со исчезнување на шестгодишно дете од Германија во Португалија во 1996 година.

Брукнер во затворот во Кил отслужува казна на продажба на дрога, а полицијата јавува дека на познанин во 2013 година преку Скајп му рекол дека сака „да фати нешто мало и да го искористува со денови“, јавува Дер Шпиегел.

Весникот објави и дека познаникот му одговорил дека тоа би било опасно, на што Брукнер одговорил: „О, па ако доказите потоа се уништат…“.

Додаваат дека полицијата во Стендал нашла записи од телефонски разговори на компјутер кој на почетокот од 2016 година го запленила меѓу работите кои ги поседувал Брукнер.