Германскиот канцелар Олаф Шолц денеска и го честиташе на британската кралица Елизабета Втора нејзиниот платинест јубилеј, по повод 70-годишнината од нејзиното доаѓање на престолот.

„Нејзиното владеење е единствено и ги инспирира луѓето ширум светот”, напиша Шолц.

Ја нарече пример во време на промени и големи предизвици и додаде дека дава „храброст и самодоверба”.

Германскиот лидер и посака на 95-годишната кралица и на нејзиното семејство „се најдобро, особено добро здравје”.

Главните прослави на годишнината треба да се одржат на почетокот на јуни кога Британците се надеваат на подобро време.