Германскиот телевизиски сервис РТЛ ангажираше водителка од Украина да води информативни програми наменети за оние кои ја напуштија својата татковина поради руската инвазија.

Приватната телевизија објави дека Каролина Ашион, чија мајка е Украинка, а татко ѝ е од Нигерија, од понеделник до петок ќе води десетминутна информативна програма на украински јазик и дека таа е наменета за речиси 200.000 луѓе кои побегнале од Украина во Германија.

Малта Баумбергер, менаџерка на проектот, вели дека емитуваат вести на украински со желба да допрат до луѓе кои ја напуштиле својата земја и не зборуваат англиски и други светски јазици.

Ашион пристигнала во Германија пред една недела, по напорно патување од Киев преку Молдавија и Романија.

Нејзините машки колеги, на кои не им е дозволено да ја напуштат Украина ако се на возраст меѓу 18 и 60 години, продолжуваат да емитуваат телевизиски програми од засолништата во Киев, рече таа.