Кристијан Нимервол, новинар на германското издание на „Моторспорт Тотал“ за утре најави посензационална вест од таа дека Фернандо Алонсо се враќа во Формула 1.

„Зад нас е уште еден голем ден во Формула 1, по вестите дека Фернандо Алонсо се враќа во Рено. Сепак, во исто време можам да најавам посензационална вест. За што станува збор, ќе дознаете во четврток“, напиша Нимервол на Твитер.

Großer Tag in der #F1: Am Nachmittag bestätigt @RenaultF1Team das Comeback von @alo_oficial. Und ich sammle neben der Gartenarbeit ? weiter meine Infos zu einer noch viel größeren Sensation für die #SillySeason. Mehr dazu am Donnerstagmorgen auf @MST_Formel1!

— Christian Nimmervoll (@MST_ChristianN) July 8, 2020

Фановите на Формула 1, но и колегите на Нимервол кои ги следат случувањата во авто-мото спортот, веднаш почнаа да шпекулираат за што станува збор.

Неколку теории предничат, а тоа се дека Себастијан Фетел се враќа во Ред Бул, дека Мерцедес си оди од Формула 1 и објавување дека синот на Михаел Шумахер, Мик потпишал со Алфа Ромео. Последната шпекулација сигурно е најсензационална, а таа е дека Нимервол подготвува текст за наводниот трансфер на првиот човек на Мерцедес Тото Волф и шесткратниот шампион Луис Хамилтон во Астон Мартин.