Олимписката фудбалска репрезентација на Германија го напушти теренот пет минути пред крајот на дуелот со Хондурас поради расистички навреди.

Станува збор за пријателски натпревар како дел од подготовките пред настапот на Олимписките игри во Токио. Веднаш по израмнувачкиот гол на Германија преку Феликс Удуокаи, на мета на расистички навреди се најде 23-годишниот фудбалер на на Херта, Џордан Торунарига. Останатите фудбалери на Германија, во знак на солидарност со соиграчот, веднаш го напуштија теренот.

Торунарига е роден во Кемниц и е фудбалер на Херта од својата деветта година, а деби настапот за првиот тим го имаше на 19 години.