Германија планира да воведе нова шестмесечна програма за доброволна воена служба за обука на регрути за основни задачи како што е стражарската должност, изјавија за Ројтерс извори запознаени со плановите.

Програмата, која доаѓа како одговор на потребата од зајакнување на одбраната по војната во Украина, предвидува можност таа да стане делумно задолжителна доколку бројот на волонтери се покаже како недоволен, објави Ројтерс.

Владата се надева дека овој потег ќе го удвои бројот на обучени резервисти од сегашните 100.000, велат извори.

Министерството за одбрана одбило да коментира за планот. Програмата би била дел од поширока германска стратегија за зајакнување на Бундесверот и одговор на растечките безбедносни предизвици во Европа, се вели во соопштението.