Репрезентацијата на Германија како второпласирана во групата Ф обезбеди пласман во осминафиналето каде ја очекува најтешкиот можен предизвик, селекцијата на Англија. Англичаните завршија како први во групата Д, но и тие како и Германија не импресионираа во групната фаза. Селекторот на Германија, Јоаким Лев, не чувствува притисок пред дуелот со Англија кој ќе се игра во Лондон.

– Не сум загрижен, тоа ќе биде сосема поинаков натпревар. Унгарија го паркираше автобусот пред нивниот гол, сите беа зад топката. Против Англија ќе биде поинаков натпревар, тие играат на домашен терен и ќе сакаат да не нападнат. Дефинитивно ќе биде поотворен наптревар за разлика од вчерашниот против Унгарија. Мора да подобриме некои работи, посебно кога станува збор за прекините – изјави Лев кој е свесен дека нема неговите фудбалери направија премногу грешки на вчерашниот натпревар.
– Не можеме и не смееме да ги повториме истите грешки. Мора да реагирае подобро. Со нетрпение го очекуваме натпреварот на „Вембли“.