Поранешната фудбалска ѕвезда Герет Бејл има сериозна намера да влезе во сопственичките води и да го преземе управувањето со екипата на Кардиф.

Иако клубот сè уште е во сопственост на Винсент Тан, актуелниот газда е подготвен да се повлече и да го продаде клубот. Кардиф минатата сезона испадна во третиот ранг на англискиот фудбал и амбицијата е брзо враќање на повисоко ниво. Еден од потенцијалните нови сопственици е токму поранешниот ас на Реал Мадрид и Тотенхем.

Бејл, кој се пензионираше во 2023 година и се фокусираше на бизнисот, сега е на чело на инвестициски конзорциум кој подготвува понуда вредна 46 милиони евра за преземање на клубот.

„Заинтересирани сме да го купиме Кардиф. Тоа е мој клуб, клубот од местото каде што растев и мојот вујко (Крис Пајк) во минатото играше за нив“, изјави Бејл за медиумите.

Ако договорот се реализира, Кардиф би можел да добие нова енергија и поддршка токму од човек кој не само што има високо реноме во светот на фудбалот, туку и ги сака клубот.