Англискиот третолигаш Плимут би можел наскоро да добие нови сопственици. Според пишувањата на „Телеграф“, во тек се преговори меѓу клубот и приватна инвестициска група од САД, а во целиот процес е вклучен и поранешниот велшки репрезентативец Гарет Бејл.

Британскиот весник пренесува дека Бејл би можел да биде заштитното лице на целиот проект. Иако досега немал никакви врски со клубот од Плимут, неговото вклучување се вклопува во сè понагласениот тренд на познати спортисти кои инвестираат во англискиот фудбал.

Медиумите потсетуваат и на хрватскиот фудбалски ас Лука Модриќ, кој неодамна стана дел од сопственичката структура на Свонси сити. Пред него, слични потези повлекоа и НФЛ легендата Том Брејди, кој се приклучи како сувласник на Бирмингем сити, како и американските голфери Џордан Спит и Џастин Томас, кои инвестираа во Лидс јунајтед.

Тимот на Плимунт во овој момент се наоѓа турбулентен период по испаѓањето од Чемпионшип. Клубот ја заврши сезоната 2024/25 на 23. место, што значеше преселба во третата англиска лига.

🚨🏴󠁧󠁢󠁷󠁬󠁳󠁿 𝐁𝐑𝐄𝐀𝐊𝐈𝐍𝐆 | Gareth Bale is partnering with a US based private equity firm to try and purchase Plymouth Argyle, reports @TeleFootball. 💰 pic.twitter.com/eUyoB7T3DP

— EuroFoot (@eurofootcom) June 16, 2025