Во домот на Армијата денеска ќе се одржи брифинг пред претседателката и врховен командант на вооружените сили, Гордана Сиљановска, за степеност на борбена подготовност на Армијата за 2024 година.

Брифингот ќе го одржи генерал-мајор Сашко Лафчиски, пред врховниот командант на Армијата, Гордана Сиљановска Давкова, во присуство на министерот за одбрана, Владо Мисајловски, претставниците на Кабинетот на претседателката и генералите во Армијата, началникот на Генералштабот на Армијата, најавија од Генералштабот.

Брифингот е редовна годишна обврска на началникот на Генералштабот пред врховниот командант, чија цел е претставување на состојбата во функционалните области кои имаат влијание на борбената готовност на Армијата.

Сиљановска Давкова ќе биде брифирана за состојбата и степенот на реализација на активностите во доменот на персонален менаџмент, обука, вежби, операции во земјата и странство, опрема и инфраструктура, воено планирање и структура на сили.