„Гугл“ воведе нова опција во рамките на својата апликација со вешткачка интелигенвија „Џемини“, што овозможува моментална конверзија на аудиоснимки во транскрипти. Корисниците сега можат да испратат аудиофајл, а системот ќе ја конвертира во временски обележан транскрипт.

Оваа функција е исклучително корисна за професионалци и студенти, кои повеќе нема да мора да поминуваат часови рачно слушајќи состаноци, интервјуа или предавања.

Новата функција е достапна и во мобилната и во веб-верзијата на „Џемини“. За да ја користите, само кликнете на знакот плус и изберете ја опцијата за испраќање на датотеката. Поддржани се најпопуларните формати, како што се MP3, M4A и WAV.

„Џемини“ не само што го транскрибира аудиото, туку автоматски додава и прецизни временски ознаки за полесно да се пронајдат клучните делови од разговорот. Друга важна карактеристика е автоматското препознавање на говорникот. Вештачката интелигенција ги детектира промените во гласот и јасно покажува кој кога зборувал, што е исклучително корисно за анализа на сложени дијалози.

Иако постои ограничување од десет аудио датотеки по сесија, брзината и точноста на „Џемини“ ги воодушевуваат првите корисници кои ја испробаа новата опција.