Сопственикот на НБА кошаркарскиот клуб Далас маверикс, Патрик Думонт конечно откри зошто донесе одлука да го трејдува својот најдобар играч Лука Дончиќ.

Одлуката на Маверикс да го испратат Дончиќ во Лејкерси во замена за шестгодини повозрасниот Ентони Дејвис го остави целиот свет во неверување.

Иако минатата сезона го водеше тимот до финалето на НБА и со години беше убедливо најдобар играч на тимот и еден од фаворитите за титулата МВП, Далас реши да се откаже од Словенецот.

Претседателот на клубот, Патрик Димон, во интервју за „Далас Морнинг Њуз“ се обиде на јавноста да ѝ објасни зошто е направен ваков потег.

– Тимовите победуваат затоа што сите играчи се фокусирани и го имаат вистинскиот карактер, ја носат вистинската култура, ја покажуваат вистинската посветеност на работата и работат напорно за да придонесеш за шампионскиот исход. Ако тоа не се прави така, поразот доаѓа. Ако ги погледнете најголемите досега – Џордан, Бирд, Коби, Шек, сите тие работеа напорно секој ден и беа фокусирани само на победа. Не функционира ако го немате тоа во себе, а ако го немате, не треба ни да бидете дел од Далас маверикс. Тоа е она што го бараме – рече Думонт.